უკრაინის შეიარაღებული ძალების სპეცდანიშნულების რაზმი „BRAVO Team“-ი აცხადებს, რომ კურსკის ოლქის ქალაქი სუჯა უკრაინის შეიარაღებული ძალების კონტროლის ქვეშაა.

უკრაინულმა სპეცრაზმმა ორი ვიდეო გამოაქვეყნა, რომელიც, მათი მტკიცებით ქალაქის ცენტრშია გადაღებული.

„ქალაქი სუჯა უკრაინის შეიარაღებული ძალების კონტროლის ქვეშაა, დიდება ყველა ბრიგადასა და ბატალიონს, ვინც ამაში მონაწილეობდა“, - აღნიშნულია ერთ-ერთი ვიდეოს წარწერაში.

ვიდეო ჩანაწერში უკრაინელი სამხედრო აცხადებს, რომ ქალაქში რუსი სამხედრო მოსამსახურეები აღარ არიან.

მეორე ვიდეოში ჩანს ქალაქის ცარიელი ქუჩები და სამხედროები აცხადებენ, რომ ისინი სუჯის ცენტრალურ მოედანზე გადაადგილდებიან.

უკრაინისა და რუსეთის ფედერაციის ხელისუფლებებს ამ განცხადებებზე კომენტარი, ჯერჯერობით, არ გაუკეთებიათ.