საბერძნეთში ტყის ხანძარს, სულ მცირე, ერთი ადამიანი ემსხვერპლა, - ამის შესახებ ინფორმაციას ბერძნული მედია ავრცელებს.

სახანძრო სამსახურების ცნობით, გარდაცვლილის ცხედარი ვრილისიის გარეუბანში, ერთ-ერთ დამწვარ შენობაში იპოვეს.

ხელისუფლების წარმომადგენელმა განაცხადა, რომ კვამლის შესუნთქვის შედეგად, 18 ადამიანი დაშავდა.

ცნობისთვის, საბერძნეთის დედაქალაქ ათენთან ახლოს ტყის ხანძარს მეხანძრეები უკვე მესამე დღეა ებრძვიან. ევროკავშირის ქვეყნებმა ბერძენ მეხანძრეებს დახმარება გუშინვე აღმოუჩინეს, მას შემდეგ, რაც საბერძნეთმა ევროკავშირს დახმარების თხოვნით მიმართა.