სოფელ ლეღვაში ყველანაირი კომუნალური ინფრასტრუქტურის პრობლემის ფონზე, მოვუწოდებ ადგილობრივ მთავრობას დროულად იმოქმედონ, სანამ ჯერ კიდევ აქვთ შესაძლებლობა მოემსახურონ ხალხს და დადგნენ მათ გვერდით, - ამის შესახებ „ერთიანი ნაციონალური მოძრაობის“ ქობულეთის ორგანიზაციის თავმჯდომარემ, ბონდო თედორაძემ განაცხადა.

თედორაძის განცხადებით, მიუხედავად იმისა, რომ 4 წლის წინ, ქობულეთის მუნიციპალიტეტში, ბუნებრივი აირის მაგისტრალური ხაზის მოწყობისთვის მილიონობით ლარი დაიხარჯა, დღემდე არ მიეწოდება სოფელს ბუნებრივი აირი და შესაბამის ინფრასტრუქტურა.

„ქობულეთის მუნიციპალიტეტ სოფელ ლეღვაში ადგილობრივ მოსახლეობას აწუხებს ყოველგვარი კომუნალური ინფრასტრუქტურის პრობლემა, არ მიეწოდებათ ბუნებრივი აირი, შიდა გზები არის მოუწესრიგებელი, წყალი აქვთ გრაფიკით და ზაფხულში შეიქმნა დიდი პრობლემა და ასევე ელექტროენერგიის მიწოდების კუთხით აქვთ შექმნილი პრობლემა.

აღნიშნული პრობლემების თაობაზე, მოვუწოდებ ადგილობრივ მთავრობას დროულად იმოქმედონ მანამ, სანამ ჯერ კიდევ რუსულ მთავრობას 26 ოქტომბრამდე აქვს შესაძლებლობა მოემსახურონ და დადგნენ ხალხის გვერდით“, - განაცხადა თედორაძემ.