საფრანგეთში, ავიაგამანადგურებლების შეჯახების შედეგად, ორი მფრინავი დაიღუპა, - ამის შესახებ ინფორმაციას საფრანგეთის პრეზიდენტი, ემანუელ მაკრონი ავრცელებს.

„სამწუხაროდ, Rafale-ს სასწავლო ფრენის დროს, ავიაკატასტროფაში კაპიტან სებასტიან მაბირესა და ლეიტენანტ მეტის ლორენსის დაღუპვის შესახებ შევიტყვეთ“, - წერს ემანუელ მაკრონი სოციალურ ქსელში.

შეგახსენებთ, გუშინ, საფრანგეთის ჩრდილო-აღმოსავლეთში Rafale-ის ტიპის ორი გამანადგურებელი ერთმანეთს შეეჯახა. საფრანგეთის თავდაცვის მინისტრის, სებასტიენ ლეკორნუს ცნობით, ერთი მფრინავი, რომელმაც კატაპულტირება მოახერხა, გადარჩა.