უკრაინის შეიარაღებულმა ძალებმა ბელგოროდის ოლქის ქალაქ შებეკინოს დრონებით შეუტიეს, არიან დაშავებულები, - ამის შესახებ ოლქის გუბერნატორი, ვიაჩესლავ გლადკოვი „ტელეგრამ“ არხზე წერს.

„დაშავებულია ოთხი მშვიდობიანი მოქალაქე, მათ შორის სასწრაფო დახმარების ორი მუშაკი“, - წერს გლადკოვი.

მისი ინფორმაციით, დაშავებულები საავადმყოფოში გადაიყვანეს.

ქალაქი შებეკინო უკრაინის საზღვრიდან დაახლოებით ოთხ კილომეტრში მდებარეობს. რუსეთის კურსკის, ბელგოროდისა და ბრიანსკის ოლქებში კონტრტერორისტული ოპერაციის რეჟიმი მოქმედებს.