საქართველოს გაზის ტრანსპორტირების კომპანია ვლადიკავკაზ-თბილისის მაგისტრალურ გაზსადენზე სარემონტო სამუშაოებს განახორციელებს.

გაზის ტრანსპორტირების კომპანიის ინფორმაციით, პროექტის ფარგლებში, ხსენებული მაგისტრალის 190.3 კილომეტრზე რედუცირების კვანძის სარეკონსტრუქციო სამუშაოები შესრულდება.

მათივე ცნობით, აღნიშნული ვითარების გათვალისწინებით, მ/წ 19 აგვისტოს 07:00-დან 12:00 საათამდე, ბუნებრივი გაზის მიწოდება შეუწყდება გაზგამანაწილებელ სადგურ „შპს „ყამარი მ"-ის მომხმარებლებს. კერძოდ, ბუნებრივი გაზის მიწოდება ხსენებულ პერიოდში არ მიეწოდება სოფელ გლდანსა და თეთრი ტბის ტერიტორიას.

„ბუნებრივი გაზის მიწოდება გამორთულ გაზგამანაწილებელ სადგურში სამუშაოების დასრულებისთანავე აღდგება, ხოლო მოსახლეობისთვის ბუნებრივი გაზის მიწოდებას შესაბამისი გაზგამანაწილებელი კომპანია ეტაპობრივად განახორციელებს“,- ნათქვამია ინფორმაციაში.