ლონდონში, სომერსეტ ჰაუსში გაჩენილ ხანძარს 100-მდე მეხანძრე ებრძვის
ლონდონში, სომერსეტ ჰაუსში გაჩენილ ხანძარს 100-მდე მეხანძრე ებრძვის, - ამის შესახებ ინფორმაციას BBC-ი ავრცელებს.
ლონდონის პოლიციის ცნობით, დაშავებულები არ არიან.
ლონდონის სახანძრო რაზმის განცხადებით, ხანძრის გამომწვევი მიზეზი ჯერჯერობით უცნობია.
ძლიერი კვამლის გამო, ლონდონის სასწრაფო დახმარების სამსახურმა მოსახლეობას მოუწოდა, რომ სომერსეტ ჰაუსის ტერიტორიას თავი აარიდონ.
