მნიშვნელოვანია „ქართული ოცნების“ მავნებლური პოლიტიკა ერთიანობით დავასრულოთ და ის მნიშვნელოვანი კეთილდღეობა შევქმნათ, რომელიც ჩვენს მასწავლებლებს ექნებათ, - ასე გამოეხმაურა “ერთიანი ნაციონალური მოძრაობის” პოლიტსაბჭოს წევრი, ლაშა ფარულავა გავრცელებულ ინფორმაციას იმის შესახებ, რომ მასწავლებლის დღის აღნიშვნაზე ნახევარ მილიონზე მეტი ლარი დაიხარჯება.

ფარულავას განცხადებით, ზეიმი კარგია, მაგრამ პირველი, რასაც საქართველოს მთავრობა უნდა აკეთებდეს, არის მასწავლებელთა კეთილდღეობა.

„საქართველოში ათასობით მასწავლებელს არ აქვს საშუალება, საკუთარი ოჯახის კეთილდღეობა უზრუნველყოს. ზეიმი კარგია, მაგრამ პირველი, რასაც საქართველოს მთავრობა უნდა აკეთებდეს, არის მასწავლებელთა ის კეთილდღეობა, რომელიც მნიშვნელოვანია მათი ოჯახებისთვის, რომ მთლიანად ორიენტირებულები იყვნენ განათლებაზე, იმ სასწავლო პროცესზე, რომელიც საკლასო ოთახში მიმდინარეობს, ამიტომ, მნიშვნელოვანია, „ქართული ოცნების“ მავნებლური პოლიტიკა ერთიანობით დავასრულოთ და ის მნიშვნელოვანი კეთილდღეობა შევქმნათ, რომელიც ჩვენს მასწავლებლებს ექნებათ“, - განაცხადა ლაშა ფარულავამ.

ინფორმაციას პარტიის პრესსამსახური ავრცელებს.