წალენჯიხიდან ვულოცავ საქართველოს ფერისცვალების დღესასწაულს, - ამის შესახებ „ერთიანობა - ნაციონალური მოძრაობის“ ერთ-ერთმა ლიდერმა, თამარ კორძაიამ განაცხადა.

მისივე თქმით, ისინი ფერისცვალების ეკლესიის 1000-წლისთავსაც აღნიშნავენ.

„წალენჯიხიდან ვულოცავ საქართველოს ფერისცვალების დღესასწაულს. დღეს ძალიან მნიშვნელოვანია, აქ რომ ვარ, იმიტომ რომ აღვნიშნავთ ფერისცვალების ეკლესიის 1000-წლისთავს და ასევე, წიგნის გამოშვებას, რომელშიც აღწერილია არა მარტო ამ ისტორიული ძეგლის წარმოშობის საკითხები, არამედ ამ რაიონის ისტორიული მოვლენები. ამ დარბაზში კონფერენცია ტარდება, რომელიც ამ ყველაფერთან დაკავშირებით იქნება წარმართული“, - განაცხადა თამარ კორძაიამ.

აღნიშნულ ინფორმაციას „ერთიანობა - ნაციონალური მოძრაობა“ ავრცელებს.