უკრაინელებმა რუსების მიერ გაშვებული 25 დრონი და 3 რაკეტა გაანადგურეს, - ამის შესახებ ინფორმაციას უკრაინის საჰაერო ძალების მეთაური, ნიკოლაი ოლეშჩუკი ავრცელებს.

ნიკოლაი ოლეშჩუკის ცნობით, სულ, რუსულმა ძალებმა უკრაინის მიმართულებით 26 დრონი და 5 რაკეტა გაუშვეს, რომელთაგან უკრაინის თავდაცვის ძალებმა Shahed-131/136-ის ტიპის 25 დრონი, „ისკანდერ-კ“-ის ტიპის 1 ფრთოსანი რაკეტა და 2 X-59 მართვადი რაკეტა ჩამოაგდეს.

უკრაინელებმა საჰაერო სამიზნეები კიევის, დნეპროპეტროვსკის, ნიკოლაევის, ხერსონის, ვინიცის, ხმელნიცკის, კიროვოგრადის, სუმისა და ჩერნიგოვის ოლქებში გაანადგურეს.