საერთაშორისო თანამეგობრობა უკვე იაზრებს, რომ რუსული კანონი მოქმედებაშია და გვაფრთხილებს, რომ 26 ოქტომბერს თუ არ მოხდა ცვლილებები, „ქართული ოცნების“ მთავრობა კიდევ უფრო მძლავრ და სასტიკ ზომებზე გადავა, რომ ოპოზიციის და თავისუფალი ხალხის ნება შეზღუდოს, - ამის შესახებ „ერთიანობა - ნაციონალური მოძრაობის“ საზოგადოებასთან ურთიერთობის მდივანმა, დიმიტრი ჩიქოვანმა Human Rights Watch-ის სტატიასთან დაკავშირებით განაცხადა.

როგორც ჩიქოვანმა აღნიშნა, ოპოზიციურად განწყობილი ადამიანების მიმართ თავდასხმების ფაქტების გამოძიება „ქართული ოცნების“ ინტერესებში არ შედის.

„ჩემზე თავდასხმა მოხდა 8 მაისს, გასულია უკვე სამი თვე. გამოძიება დაიწყო ძალიან გვიან, დაახლოებით, ინციდენტიდან რვა დღეში და თვე ნახევარი დასჭირდათ, რომ დაზარებულად ვეცნე და იმის შემდეგ არანაირი გამოხმაურება, არც საქმის მასალები გადაუციათ, როდესაც ჩვენ ვიცით, რომ როდესაც სახელმწიფოს სჭირდება, გამოძიებები იხსნება მყისიერად, რამდენიმე საათში, ყველა თავისი კამერის ჩანაწერებით და შემდგომი გადაადგილებებით, როდესაც ინციდენტის დროს უამრავი კამერა იყო გარშემო და ძალიან სწრაფად შეეძლოთ იდენტიფიცირება თავდასხმებისაც და მათი გადაადგილების ტრაექტორიაც.

“Human Rights Watch-ის სტატიას გავეცანი და მინდა აღვნიშნო, რომ საერთაშორისო თანამეგობრობა უკვე იაზრებს, რომ რუსული კანონი მოქმედებაშია და გვაფრთხილებს, რომ 26 ოქტომბერს თუ არ მოხდა ცვლილებები, „ქართული ოცნების“ მთავრობა კიდევ უფრო მძლავრ და სასტიკ ზომებზე გადავა, რომ ოპოზიციის და თავისუფალი ხალხის ნება შეზღუდოს.

არცერთი გამოძიება არ არის წინ წასული, არც ჩემი, არც სხვებზე, არც აქციების დროს, არც აგრე თავდასხმების დროს და ეს იმაზე მიუთითებს, რომ ამ საქმეების გამოძიება არ არ არის „ქართული ოცნების“ ინტერესებში“, - განაცხადა დიმიტრი ჩიქოვანმა, რომლის კომენტარსაც პარტიის პრესსამსახური ავრცელებს.