„ნაციონალური მოძრაობის“ თავმჯდომარე თინა ბოკუჩავა და „ერთიანობა - ნაციონალური მოძრაობის“ ერთ-ერთი ლიდერი გიორგი ვაშაძე, დემოკრატიული ყრილობის ფარგლებში, კონგრესმენებს ჯერი კონოლსა და გრეგორი მიქსს შეხვდნენ. ამის შესახებ ინფორმაციას „ნაციონალური მოძრაობის“ პრესსამსახური ავრცელებს.

თინა ბოკუჩავას განცხადებით, კონგრესმენებთან 26 ოქტომბრის არჩევნებსა და აშშ-თან ურთიერთობების აღდგენის საკითხის მნიშვნელობაზე ისაუბრეს.

„დემოკრატიული ყრილობის ფარგლებში, კონგრესმენებთან და სენატორებთან შეხვედრა გრძელდება. შევხვდით კონგრესმენ ჯერი კონოლისა და გრეგორი მიქსს. კონგრესმენი კონოლი არის საქართველო-ამერიკის მეგობრობის ჯგუფის თანათავმჯდომარე, ამერიკის შეერთებული შტატების კონგრესში. ვისაუბრეთ 26 ოქტომბრის არჩევნებისა და საქართველო-ამერიკის ურთიერთობების აღდგენის მნიშვნელობაზე“, - განაცხადა თინა ბოკუჩავამ.

„ერთიანი ნაციონალური მოძრაობის“ თავმჯდომარე“ თინა ბოკუჩავა და „ერთიანობა - ნაციონალური მოძრაობის“ ერთ-ერთი ლიდერი გიორგი ვაშაძე, ოფიციალური ვიზიტით 19-22 აგვისტოს აშშ-ში, ჩიკაგოში, დემოკრატიული პარტიის კონგრესზე იმყოფებიან.