პოლიტიკური გაერთიანება „კოალიცია ცვლილებისთვის - გვარამია, მელია, გირჩი, დროას“ ოზურგეთის ოფისი გაიხსნა.

ამის შესახებ ინფორმაციას „კოალიცია ცვლილებისთვის“ ავრცელებს.

კოალიციის ერთ-ერთმა ლიდერმა, ნიკა მელიამ აღნიშნა, რომ "კოალიცია ცვლილებას" 4- ნომრით უკვე აქვს ოზურგეთში შტაბი, უკეთესი მომავლისა და ევროპის მომტანი შტაბი, რომელიც თითოეულ ოზურგეთელს მოუტანს ბედნიერებასა და უკეთეს მომავალს.

„კოალიცია ცვლილებებს“ უკვე აქვს შტაბები, უკეთესი მომავლის მოპოვების შტაბი ოზურგეთში. ამ ხალხს სურს ამ ქვეყანაში ბედნიერად ცხოვრება, სულ რომ ადგილზე წყვეტდნენ მათ ბედს.

ხელისუფლებამ ისე დააყენა საქმე, თითქოს ყველა ადამიანი მათი მოსამსახურეა, რეალურად კი პირიქითაა. საგარეო კურსის ცვლილება უკვე სახეზეა. 26 ოქტომბრამდე უნდა გასტანოს ივანიშვილის რეჟიმმა, 26-ში მივდივართ ყველა.

ჩვენი კოალიცია არის გამორჩეული კოალიციური პარტია, რომელიც დაცლილია პოლიტიკური კორუფციისგან, თავისუფალია გავლენებისგან.

გვჭირდება თანმიმდევრულობა, პრინციპულობა, რომელსაც აქვს უნარი სიტყვას დაადონ ფასი, ამის უნარი აქვს ჩვენს კოალიციას. ყველანი არჩევნებზე“, - განაცხადა მელიამ.

შეგახსენებთ, რომ „კოალიცია ცვლილებისთვის” ლიდერები დღეს გურიის მასშტაბით ოფისებს ხსნიან.