საქართველოს მთავრობა აზერბაიჯანის რესპუბლიკაში საქართველოს საგანგებო და სრულუფლებიანი ელჩს, ზურაბ პატარაძეს დაკავებული თანამდებობიდან ათავისუფლებს.

შესაბამისი განკარგულება მთავრობამ 20 აგვისტოს გამოსცა, რომელსაც ხელს პრემიერ-მინისტრი ირაკლი კობახიძე აწერს.

როგორც დოკუმენტიდან ირკვევა, შესაბამისი განკარგულებით მთავრობა საქართველოს პრეზიდენტს წინადადებით მიმართავს ზურაბ პატარაძე თანამდებობიდან 2025 წლის 1-იანვრიდან გაათავისუფლოს.

ცნობისთვის, ზურაბ პატარაძე აზერბაიჯანის რესპუბლიკაში საქართველოს საგანგებო და სრულუფლებიანი ელჩის თანამდებობას 2018 წლის 29 აგვისტოდან იკავებს.