ოპოზიციაში პოლიტიკური პარტიები არ არიან, ესენი არიან პოლიტიკური პროექტები, რომელთაც ერთადერთი პოლიტიკური მიზანი აქვთ - საქართველოს განადგურება, - ამის შესახებ “ქართული ოცნების” წევრმა, რატი იონათამიშვილმა ოპოზიციურ გადაჯგუფებებზე საუბრისას განაცხადა.

მისი თქმით, ეს ადამიანები დაცლილი არიან პრინციპებისგან, ღირებულებებისგან და ზნეობისგან.

„ოპოზიციაში პოლიტიკური პარტიები არ არიან, ესენი არიან პოლიტიკური პროექტები, რომელთაც ერთადერთი პოლიტიკური მიზანი აქვთ - საქართველოს განადგურება. ეს ადამიანები დაცლილი არიან პრინციპებისგან, ღირებულებებისგან და ზნეობისგან. ისინი ზუსტად იმ სახეს აჩვენებენ, როგორი არ უნდა იყოს პოლიტიკოსი და მოქალაქე. თუ ვინმეს უკვირს, მათ ნდობა რატომ არ აქვთ, ეს გასაკვირი აღარ არის.

„ქართულ ოცნებასა" და ამ პროექტებს შორის რა სხვაობაცაა, ეს 26 ოქტომბრამდე კიდევ შთამბეჭდავი და თვალსაჩინო იქნება საქართველოს სასარგებლოდ”, - აღნიშნა რატი იონათამიშვილმა.