სერბეთისა და ბოსნია-ჰერცეგოვინის საზღვარზე მდებარე მდინარე დრინაში, სულ მცირე, 5 მიგრანტი დაიხრჩო , - ამის შესახებ ინფორმაციას Associated Press-ი ოფიციალურ პირებზე დაყრდნობით ავრცელებს.

Associated Press-ის ცნობით, მიგრანტებით დატვირთული ნავი მაშინ გადაბრუნდა, როდესაც ისინი სერბეთიდან ბოსნია და ჰერცეგოვინაში გადასვლას მდინარე დრინას გადაკვეთით ცდილობდნენ.

სერბეთის შინაგან საქმეთა მინისტრმა, ივიცა დაჩიჩმა განაცხადა, რომ ნავში 25 ადამიანი იმყოფებოდა, რომელთაგან 18-მა, მათ შორის სამმა ბავშვმა, ბოსნია-ჰერცეგოვინაში გადასვლა მოახერხა.

ბოსნია-ჰერცეგოვინის საგანგებო სიტუაციების სამსახურის წარმომადგენლის, ბორის ტრნინიჩის ცნობით, მდინარეში 5 ცხედარი იპოვეს, ხოლო ნავში 30-მდე ადამიანი იმყოფებოდა, რომელთაგან ნაპირამდე 15-მა მიაღწია.