ისრაელის დელეგაცია ღაზის სექტორთან დაკავშირებით მოლაპარაკებებისთვის კაიროში გაემგზავრა.

ამის შესახებ ინფორმაციას გამოცემა The Times of Israel-ი წყაროებზე დაყრდნობით ავრცელებს.

მათი ცნობით, ისრაელის დელეგაციას „მოსადის” დირექტორი, დავიდ ბორნეა ხელმძღვანელობს. გამოცემა არ აკონკრეტებს ეგვიპტის დედაქალაქ კაიროში კიდევ რა დელეგაციები იქნებიან, თუმცა ამერიკული CNN-ის ცნობით, ეგვიპტეში თავისი მომლაპარაკებლების გაგზავნას აშშ-ც დათანხმდა, რომელიც შუამავლის როლს ასრულებს. წყაროების ცნობით, ამერიკულ დელეგაციას CIA-ის დირექტორი, უილიამ ბერნსი ხელმძღვანელობს.

ცნობისთვის, ღაზის სექტორთან დაკავშირებით მოლაპარაკებებში, რომლებიც უკვე რამდენიმე თვეა გრძელდება, კონფლიქტის მხარეები - ისრაელი და ტერორისტული ორგანიზაცია "ჰამასი" მონაწილეობენ, ისევე როგორც შუამავლები: აშშ, ეგვიპტე და კატარი.