ინდოეთის პრემიერ-მინისტრი, ნარენდრა მოდი ოფიციალური ვიზიტით კიევში ჩავიდა. The Times of India-ს ცნობით, მოდის უკრაინაში ვიზიტი ისტორიულია. ვიზიტის ფარგლებში ის, სავარაუდოდ, უკრაინის ლიდერ ვოლოდიმირ ზელენსკის შეხვდება.

ვიზიტი პრეზიდენტი ზელენსკის მიწვევით ხორციელდება.

აღსანიშნავია, რომ ნარენდრა მოდი კიევში მოსკოვში მისი ვიზიტიდან თითქმის ექვსი კვირის შემდეგ ჩავიდა. აღნიშნულმა ვიზიტმა შეერთებული შტატებისა და ზოგიერთი სხვა დასავლელი მოკავშირის მხრიდან კრიტიკა გამოიწვია.