პოლიტიკურმა გაერთიანება „კოალიცია ცვლილებისთვის - გვარამია, მელია, გირჩი, დროამ“ ნინოწმინდაში ოფისი გახსნა.

„კოალიცია ცვლილებებისთვის“ ინფორმაციით, ოფისის გახსნაზე ნიკა მელიამ ნინოწმინდის მოსახლეობას „კოალიცია ცვლილების” ხედვები გააცნო, თუ როგორ უნდა გადაიჭრას ადგილობრივი მოსახლეობის პრობლემები, ასევე ისაუბრა 26 ოქტომბრის არჩევნების მნიშვნელობასა და თითოეული მოქალაქის ჩართულობის საჭიროებაზე.

„დარწმუნებული ვარ, 26 ოქტომბერს თითოეული ჩვენგანი მივა არჩევნებზე და იგივე მოხდება, რაც 2012 წლის 1-ელ ოქტომბერს. ამას იმიტომ არ გეუბნებით, რომ ამის თქმა მინდა, არამედ იმიტომ, რომ ამაში დარწმუნებული ვარ. მე მჯერა ცვლილებების, თითოეული ჩვენგანის ჩართულობისა და აქტიურობის ამ არჩევნებზე, რადგან ბევრს ვმოძრაობ და ვხედავ ჩვენი მოქალაქეების ნებას, რომ მათ უნდათ ცვლილება და გამარჯვება. ჩვენ არ გვაქვს სხვა გამოსავალი. ჩვენი მომავლისთვის, შვილებისთვის, ოჯახებისთვის, მათი ბედნიერებისა და კეთილდღეობისთვის არსებითად მნიშვნელოვანია ამ ხელისუფლების შეცვლა და განვითარების ახალი ეტაპის დაწყება“, - განაცხადა მელიამ.

შეგახსენებთ, რომ „კოალიცია ცვლილებისთვის” ლიდერები დღეს სამცხე-ჯავახეთის მასშტაბით ოფისებს ხსნიან.