უკრაინის პრეზიდენტის, ვოლოდიმირ ზელენსკის განცხადებით, უკრაინის შეიარაღებული ძალების მთავარსარდალ ალექსანდრე სირსკისთან ­შეხვედრაზე უკრაინაზე რუსეთის მასიური თავდასხმის პასუხი განიხილა.

„დღე დავიწყე ხანგრძლივი საუბრით მთავარსარდალ ალექსანდრ სირსკისთან: ვისაუბრეთ ამ სარაკეტო თავდასხმის მოგერიებაზე, ასევე რუსეთის მიმართ ჩვენს პასუხზე, რომელსაც ვამზადებთ“, - აღნიშნა ზელენსკიმ.

მისი თქმით, ასევე ისაუბრეს F-16 ტიპის გამანადგურებლების გამოყენებაზე და კურსკის ოლქში მიმდინარე ოპერაციაზე.

„ვაგრძელებთ ჩვენს ქმედებებს გარკვეულ ტერიტორიებზე ზუსტად ისე, როგორც ეს უკრაინას სჭირდება. ამ დღეებში გვაქვს მეტი კონტროლი, გაცვლითი ფონდის მორიგი შევსება“, - განაცხადა უკრაინის პრეზიდენტმა.

ამასთან, ზელენსკის თქმით, განიხილეს სიტუაცია სხვა ფრონტებზეც, მათ შორის პოკროვსკის მიმართულებაზე, სადაც მძიმე ბრძოლები მიმდინარეობს. გარდა ამისა, უკრაინის ლიდერის თქმით, მიიღეს რამდენიმე მნიშვნელოვანი გადაწყვეტილება უკრაინის ენერგეტიკული ობიექტების რუსეთის თავდასხმებისგან დასაცავად.