პოლონეთს შეუძლია უკრაინას თავისი „მიგ-29“ მრავალფუნქციური გამანადგურებლები გადასცეს მხოლოდ მას შემდეგ, რაც საკუთარ საჰაერო ძალებს ახალი თვითმფრინავებით გააძლიერებს, - ამის შესახებ ვიცე-პრემიერმა და პოლონეთის თავდაცვის მინისტრმა, ვლადისლავ კოსინიაკ-კამიშმა განაცხადა.

„პოლონეთის მთავრობამ, როგორც ჩვენმა მთავრობამ, ისე ჩვენი წინამორბედების მთავრობამ, უკრაინას აღჭურვილობის მრავალმილიარდიანი შემოწირულება გაიღო. სულ ეს არის, რისი გაკეთებად შეგვეძლო“, - ციტირებს მედია ვლადისლავ კოსინიაკ-კამიშს.

მინისტრის თქმით, მისი მთავარი პრიორიტეტი პოლონეთის თავდაცვისუნარიანობის შენარჩუნებაა. ქვეყანამ F-35-ები შეუკვეთა ამერიკის შეერთებულ შტატებს, მაგრამ პირველ მოიერიშეებს 2026 წლამდე ვერ მიიღებს.

„მხოლოდ ახალი თვითმფრინავების მიღების შემდეგ იქნება შესაძლებელი ძველი თვითმფრინავების, როგორიცაა „მიგ-29“, სხვაგვარად განკარგვა, რომელიც ჯერ კიდევ გამოიყენება, კერძოდ, პოლონეთის საჰაერო სივრცის დასაცავად მისიების შესასრულებლად. მაშინ მივიღებთ გადაწყვეტილებას“, - აღნიშნა მინისტრმა.

ამასთან, მისი თქმით, ნატო-ს წევრ ქვეყნებში დიდია სკეპტიციზმია უკრაინის დასავლეთ რეგიონებში რუსული რაკეტებისა და უპილოტო საფრენი აპარატების ჩამოგდების საკითხთან დაკავშირებით.