„ძლიერი საქართველოს“ წევრის, ანა ნაცვლიშვილის განცხადებით, საკონსტიტუციო სასამართლომ „უცხოური გავლენის გამჭვირვალობის შესახებ“ კანონთან დაკავშირებით რა გადაწყვეტილებაც არ უნდა მიიღოს, ამ საქმეზე საბოლოო მსაჯული 26 ოქტომბერს საქართველოს მოქალაქეები იქნებიან.

ნაცვლიშვილი დარწმუნებულია, რომ 26 ოქტომბერი იქნება ის თარიღი, როდესაც „საქართველოს მოქალაქეები გაუქმებენ, როგორც „რუსულ კანონს“, ასევე „რუსულ ხელისუფლებას“.

„ეს არის ისტორიული პროცესი. ჩემი მოლოდინები უცვლელია. საკონსტიტუციო სასამართლომ რა გადაწყვეტილებაც არ უნდა მიიღოს, ამ საქმეზე საბოლოო მსაჯული 26 ოქტომბერს საქართველოს მოქალაქეები იქნებიან. დარწმუნებული ვარ, რომ 26 ოქტომბერი იქნება ის თარიღი, როდესაც საქართველოს მოქალაქეები გაუქმებენ, როგორც „რუსულ კანონს“, ასევე „რუსულ ხელისუფლებას“.

რაც შეეხება საკონსტიტუციო სასამართლოს, ახლა საკონსტიტუციო სასამართლოს აქვს განსახილველი საქმე - ეს ქვეყანა არჩევნებამდე რა კანონით იცხოვრებს, ეს იქნება „რუსული კანონი“, თუ ეს იქნება ქართული კანონი - საქართველოს კონსტიტუცია. ჩვენ აქ წარმოვადგენთ მხარეს, რომელიც საქართველოს კონსტიტუციას, „რუსული კანონისგან“ და „რუსული ხელისუფლებისგან იცავს“, - განაცხადა ანა ნაცვლიშვილმა.