ბევრ ორგანიზაციას, რომელიც სამართლიანად არ დაირქმევს უცხოური გავლენის ორგანიზაციის სახელს, ემუქრება რეპრესიული ზომები. ამიტომ სასამართლომ რა შეიძლება გააკეთოს? - ეს არის ის, რომ ეს ზიანი საქართველოს მოქალაქეებს ზიანი აარიდოს, - ამის შესახებ საკონსტიტუციო სასამართლოში საქართველოს პრეზიდენტის წარმომადგენელმა ეკა ბესელიამ განაცხადა.

მისი შეფასებით, სასამართლომ საქართველოს მოქალაქეებს მშვიდ და ნორმალურ გარემოში არჩევნების ჩატარების საშუალება უნდა მისცეს.

„ზიანი, რომელიც უკვე დადგა, ეს არის ევროინტეგრაციის შეჩერება ევროკავშირსა და ნატოში. შემდეგი ზიანი, რომელიც რამდენიმე დღეში დადგება, ეს არის, რომ ბევრ ორგანიზაციას, რომელიც სამართლიანად არ დაირქმევს უცხოური გავლენის ორგანიზაციის სახელს, ემუქრება რეპრესიული ზომები. ამიტომ სასამართლომ რა შეიძლება გააკეთოს? - არის ის, რომ ეს ზიანი საქართველოს მოქალაქეებს ზიანი აარიდოს. საქართველოს მოქალაქეებს მოგვცეს შესაძლებლობა, რომ არჩევნებამდე ნორმალურად და მშვიდობიანად მივიდეთ და მოქალაქეებს, ამ პერიოდში მაინც, ყოველდღიური მავნე შედეგი აარიდოს თავიდან. არჩევნების შემდეგ მოქალაქეები გადაწყვეტენ ამ კანონის ბედს, დარწმუნებული ვარ თუ სასამართლო არ შეაჩერებს, ამ კანონს ახალი პარლამენტი გააუქმებს“,- განაცხადა ეკა ბესელიამ.

ცნობისთვის, საკონსტიტუციო სასამართლოში, პლენუმი “უცხოური გავლენის გამჭვირვალობის შესახებ“ კანონის შეჩერებასა და გაუქმებასთან დაკავშირებით სარჩელს განხილავს.

მმართველი უმრავლესობის ინიციატივითა და მხარდაჭერით მიღებული კანონის წინააღმდეგ საკონსტიტუციო სასამართლოს პრეზიდენტმა, არასამთავრობო და მედია ორგანიზაციებმა და პარლამენტის ოპოზიციონერმა დეპუტატებმა მიმართეს.