მარგუს ცაჰკნა კურსკის ოპერაციაზე - რუსულ დათვს ყველაზე დაუცველ ადგილას უკბინეს

ესტონეთის საგარეო საქმეთა მინისტრი, მარგუს ცაჰკნა მიიჩნევს, რომ კურსკის ოლქში უკრაინის შეიარაღებული ძალების ოპერაცია ომის მიმდინარეობას შეცვლის და მას დასავლეთის ქვეყნების მხრიდან მხარდაჭერა აქვს.

მისი თქმით, კურსკის ოლქში უკრაინის ქმედებები ძალიან სარისკო, მაგრამ ერთადერთი შესაძლო ნაბიჯია. მათ მიაღწიეს წარმატებას და მოახერხეს, რომ დიდ რუსულ დათვს ყველაზე დაუცველ ადგილას უკბინეს.

მარგუს ცაჰკნას მტკიცებით, დასავლეთი მხარს უჭერს უკრაინის ქმედებებს კურსკის ოლქში და ის სრულიად შეესაბამება ომის საერთაშორისოდ აღიარებულ ყველა წესს.

„თუკი უკრაინის წინააღმდეგ რუსული აგრესია არსებობს, მაშინ უკრაინასაც აქვს უფლება დაიცვას საკუთარი თავი ყველა არსებული საშუალებების გამოყენებით“, - აღნიშნა მარგუს ცაჰკნამ.