საჰაერო თავდაცვის ძალებმა რუსების მიერ კიევის მიმართულებით გაშვებული ყველა დრონი გაანადგურეს, - ამის შესახებ ინფორმაციას უკრაინული მედია კიევის საქალაქო-სამხედრო ადმინისტრაციაზე დაყრდნობით ავრცელებს.

უკრაინის დედაქალაქში განგაში ოთხჯერ გამოცხადდა და თითქმის 4 საათს გაგრძელდა.

„როგორც ხედავთ, ამ ომში რუსი აგრესორებისთვის კიევი ყოველთვის პრიორიტეტული სამიზნე იყო და იქნება“, - წერს კიევის საქალაქო-სამხედრო ადმინისტრაცია „ტელეგრამის“ არხზე.

მიმდინარე კვირაში ეს რუსული ძალების მიერ კიევზე განხორციელებული მეოთხე თავდასხმა იყო.