რუსულმა ძალებმა ხარკოვს 10-მდე დარტყმა მიაყენეს, რის შედეგადაც 28 ადამიანი დაშავდა, - ინფორმაციას უკრაინული მედია ხარკოვის საოლქო-სამხედრო ადმინისტრაციის ხელმძღვანელზე, ოლეგ სინეგუბოვსა და ხარკოვის მერზე, იგორ ტერეხოვზე დაყრდნობით ავრცელებს.

ტერეხოვმა განაცხადა, რომ 22 ადამიანი სალტოვსკის რაიონში დაშავდა, ექვსი კი - ნემიშლიანსკში, მათ შორის ექვსი წლის ბავშვი.

ამასთან, გავრცელებული ინფორმაციით, დაშავებულებს შორის მედიკოსებიც არიან.

ხარკოვის საოლქო-სამხედრო ადმინისტრაციის ხელმძღვანელის განცხადებით, დაზიანებულ ინფრასტრუქტურას შორისაა სავაჭრო ცენტრი, სპორტული ინფრასტრუქტურის ობიექტი და საცხოვრებელი კორპუსები.