ვლადიმერ პუტინი - დასავლეთი უკრაინას რუსეთის წინააღმდეგ ბრძოლის იარაღად განიხილავს - ჩვენ ამას ვხედავთ და განვაგრძობთ ყველა დასახული ამოცანის შესრულებას სპეციალური სამხედრო ოპერაციის ფარგლებში

უკრაინაში მიმდინარე ტრაგედიის მთავარი მიზეზი კოლექტიური დასავლეთის მიზანმიმართული ანტირუსული პოლიტიკაა, რომელსაც შეერთებული შტატები ხელმძღვანელობს, - ამის შესახებ რუსეთის პრეზიდენტმა, ვლადიმერ პუტინმა მონღოლურ გაზეთ „ონოდორთან“ ინტერვიუში განაცხადა.

„ათწლეულების განმავლობაში ისინი ცდილობდნენ სრულ კონტროლს უკრაინაზე, აფინანსებდნენ იქ ნაციონალისტურ და ანტირუსულ ორგანიზაციებს, სისტემატურად ნერგავდნენ კონცეფციას, რომ რუსეთი, თითქოს, უკრაინის მარადიული მტერია, მისი არსებობის მთავარი საფრთხეა,“ – განაცხადა პუტინმა.

მისი მტკიცებით, უკრაინა გახდა „ხურდა ფული“ დასავლეთის გეოპოლიტიკური ამბიციების განხორციელებაში, რომელიც უკრაინას რუსეთთან ბრძოლის იარაღად განიხილავს და არსებული ვითარება დასავლეთის დესტრუქციული სტრატეგიის ლოგიკური შედეგია.

„დასავლური ელიტები აგრძელებენ კიევის ამჟამინდელი რეჟიმის ფართომასშტაბიანი პოლიტიკური, ფინანსური და სამხედრო მხარდაჭერის აღმოჩენას და მას რუსეთის წინააღმდეგ ბრძოლის იარაღად განიხილავენ. ჩვენ ვხედავთ ამ ყველაფერს და განვაგრძობთ ყველა დასახული ამოცანის თანმიმდევრულად შესრულებას სპეციალური სამხედრო ოპერაციის ფარგლებში რუსეთის და ჩვენი მოქალაქეების უსაფრთხოების უზრუნველსაყოფად“, - აღნიშნა პუტინმა.