ნიდერლანდების პრემიერ-მინისტრი ზაპოროჟიეში ჩავიდა

ნიდერლანდების პრემიერ-მინისტრი, დიკ სხოფი ზაპოროჟიეში ჩავიდა. ამის შესახებ ინფორმაციას უკრაინის პრეზიდენტი, ვოლოდიმირ ზელენსკი ავრცელებს.

„ქალაქის ერთ-ერთ სკოლაში პირველ თემატურ გაკვეთილს დავესწარით“, - წერს ვოლოდიმირ ზელენსკი სოციალურ ქსელში.

ვოლოდიმირ ზელენსკიმ და ნიდერლანდების პრემიერ-მინისტრმა, დიკ სხოფმა მოსწავლეებს სასწავლო წლის პირველი დღე მიულოცეს.

ცნობისთვის, ნიდერლანდების პრემიერ-მინისტრის თანამდებობაზე დანიშვნის შემდეგ ეს უკრაინაში დიკ სხოფის პირველი ვიზიტია.