ატომური ენერგიის საერთაშორისო სააგენტოს დირექტორი, რაფაელ გროსი დღეს ზაპოროჟიეს ატომურ ელექტროსადგურს მოინახულებს.

გროსიმ სოციალურ პლატფორმა X-ზე გამოქვეყნებულ პოსტში განაცხადა, რომ მისი მიზანია, ხელი შეუწყოს ბირთვული ავარიის თავიდან აცილებას.

უკრაინის პრეზიდენტის, ვოლოდიმირ ზელენსკის ინფორმაციით, რაფაელ გროსი ელექტროსადგურზე ვიზიტის შემდეგ კიევში ჩავა და მასთან შეხვედრას გამართავს.

მისივე თქმით, ომის ამ ეტაპზე უკრაინის მიერ ელექტროსადგურზე კონტროლის დაბრუნება შეუძლებელია.