კანადა უკრაინისთვის NASAMS-ის საშუალო დისტანციის საჰაერო თავდაცვის სისტემის მიწოდებას გეგმავს, - ამის შესახებ კანადის თავდაცვის მინისტრმა, ბილ ბლერმა CBC News-თან ინტერვიუში განაცხადა.

მისი თქმით, რაკეტების მიწოდება 2025 წლის დასაწყისში უნდა განხორციელდეს.

ბილ ბლერის განცხადებით, კანადა აშშ-ის შეკვეთას NASAMS-ის 10 კომპლექსის წარმოებისთვის გასულ წელს შეუერთდა. მწარმოებელი არის კომპანია Raytheon, რომელიც NASAMS სისტემების 2024 წლის ბოლომდე მიწოდების დაპირებას იძლევა.

„ჩვენი სისტემები ჩაირთვება ამ ტრანშში და ჩვენ მათ დაუყოვნებლივ გავაგზავნით უკრაინაში“, - აღნიშნა ბილ ბლერმა.