„MEGOBARI აქტი“, რომელიც 14 მილიარდსა და აშშ-თან უვიზო მიმოსვლას გვპირდება, გვჭირდება - ორივე პარტია თანხმდება იმაზე, რომ თუ არჩევნებში საქართველოს მოქალაქეების ნება არ აღიარდება მმართველი პარტიის მხრიდან, სანქციები უფრო მკაცრი იქნება, - ამის შესახებ „ერთიანობა - ნაციონალური მოძრაობის" ერთ-ერთმა ლიდერმა თამარ კორძაიამ განაცხადა.

მისი შეფასებით, „MEGOBARI აქტი“ საქართველოს სხვადასხვა სახის ბენეფიტს მოუტანს.

„დაფიქრების საგანია, როცა ამერიკის შეერთებული შტატები ინტენსიურად და ხშირად დროს ნახულობს, რომ საქართველოზე იმსჯელოს, ლამის ყოველდღიურ რეჟიმში. უხლოეს დღეებში სენატში იქნება „რესპუბლიკელებისა“ და „დემოკრატების" ერთობლივი განხილვა, სადაც საქართველოში არსებულ დემოკრატიულ კრიზისზე იმსჯელებენ. „MEGOBARI აქტი“, რომელიც 14 მილიარდსა და აშშ-თან უვიზო მიმოსვლას გვპირდება, გვჭირდება. ორივე პარტია თანხმდება იმაზე, რომ თუ არჩევნებში საქართველოს მოქალაქეების ნებას არ აღიარებს მმართველი პარტია, ეს იმას ნიშნავს, რომ სანცქიები გაცილებით მკაცრი იქნება, ვიდრე იყო", - განაცხადა თამარ კორძაიამ.