გორის მუნიციპალიტეტში, მინი ფეხბურთში გამართული მუნიციპალური პირველობის გამარჯვებული წმინდაწყლის (ჯარი) გუნდი გახდა. ამის შესახებ ინფორმაციას გორის მერია ავრცელებს.

მათივე ინფორმაციით, მეორე და მესამე ადგილები სადგურის (ქალაქ გორის დასახლება) და ქვახვრელის გუნდებმა გადაინაწილეს.

„პირველი ადგილის მფლობელი გუნდი დაჯილდოვდა მერიის თასით და 3000 ლარით, მეორე ადგილზე გასულმა გუნდმა მიიღო 2000 ლარი, ხოლო მესამე ადგილის პრიზიორს გადაეცა 1000 ლარი. შეჯიბრებაში 30 გუნდი იღებდა მონაწილეობას.

მუნიციპალური პირველობის ორგანიზატორია გორის მუნიციპალიტეტის მერია და ა(ა)იპ საფეხბურთო კლუბი გორი.

მუნიციპალური ეტაპის შემდეგ ჩატარდება რეგიონული ეტაპი, რომელშიც გამოვლინდება შიდა ქართლის რეგიონის გამარჯვებული.

„შიდა ქართლის სპორტული თამაშების“ ინიციატორია შიდა ქართლის სახელმწიფო რწმუნებულის ადმინისტრაცია”,- ნათქვამია ინფორმაციაში.