გეგმური სარეაბილიტაციო სამუშაოების გამო, 12 სექტემბერს „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება.

ამის შესახებ ინფორმაციას „ენერგო-პრო ჯორჯია“ ავრცელებს.

როგორც კომპანიის განცხადებაშია აღნიშნული, შეზღუდვა მცხეთას, მცხეთის რაიონის სოფლებს, დუშეთის რაიონის სოფლებსა და თბილისის ზოგიერთ უბანს შეეხება.

„ქსელის გეგმური სარეაბილიტაციო სამუშაოების გამო, 12 სექტემბერს 07:00-იდან 08:00 საათამდე ელექტროენერგიის მიწოდება შეეზღუდება აბონენტებს მცხეთაში კოსტავას, კარიბჭის, ჯავახიშვილის, იბერიელის და მიმდებარე ქუჩებზე; 10:00-იდან 11:30 საათამდე აბონენტებს მცხეთის რაიონის სოფლებში წიწამური და წილკანი; 10:30-იდან 18:30 საათამდე აბონენტებს თბილისის მუნიციპალიტეტში სოფელ გლდანში - მებაღიშვილის, ხერგიანის, ბარათაშვილის, მიქატაძის და მიმდებარე ქუჩებზე; 11:00-იდან 18:00 საათამდე აბონენტებს დუშეთის რაიონის სოფლებში - ხევშა, ჭიკაანი, ქავთარაანი, ფასანაური, მლაშე და მიმდებარე სოფლებში. სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში“, - ნათქვამია კომპანიის განცხადებაში.