რუსეთსა და ჩინეთს შორის ურთიერთობები მრავალი წლის განმავლობაში ორმხრივად სასარგებლოა, - ამის შესახებ რუსეთის პრეზიდენტმა, ვლადიმერ პუტინმა ჩინეთის საგარეო საქმეთა მინისტრთან, ვანგ ისთან შეხვედრაზე განაცხადა.

„რუსეთსა და ჩინეთს შორის ყოვლისმომცველი პარტნიორობა და სტრატეგიული ურთიერთობები მრავალი წლის განმავლობაში ორმხრივად სასარგებლოა და 2 ოქტომბერს ჩვენ აღვნიშნავთ ჩვენს სახელმწიფოებს შორის დიპლომატიური კავშირების დამყარების 75 წლის იუბილეს“, - განაცხადა რუსეთის პრეზიდენტმა.

მისი თქმით, მოსკოვი და პეკინი „ერთად იცავენ სამართლიანი მსოფლიო წესრიგის პრინციპებს“, რომელიც დაფუძნებულია საერთაშორისო სამართალზე, სუვერენიტეტსა და თანასწორობაზე და ამ მიდგომას ასევე მხარს უჭერენ გლობალური სამხრეთის ქვეყნები.

ვლადიმერ პუტინმა ასევე აღნიშნა, რომ ჩინელ კოლეგას, სი ძინპინს BRICS-ის სამიტზე ელოდება.