მათ არაფერი აქვთ სათქმელი ხალხის წინაშე. ისინი სინამდვილეში კამპანიას აწარმოებენ ქვეყნის გარეთ, რაც რა თქმა უნდა, დამატებით ხელს შეუწყობს მათ წარუმატებლობას ამ არჩევნებზე“,- ამის შესახებ პრემიერ-მინისტრმა, ირაკლი კობახიძემ ოპონენტების მივლინებებთან დაკავშირებით დღევანდელ ბრიფინგზე განაცხადა.

კობახიძის განმარტებით, ოპოზიციას არაფერი აქვს ხალხისთვის სათქმელი და დაპირებებსაც კი ვერ გასცემს.

„როცა გაქვს არჩევნები, საკუთარ ხალხს უნდა ელაპარაკო და არა უცხოელ მფარველებს. ეს ნებისმიერი არჩევნებისთვის აქსიომა არის, თუმცა, რეალურად, მათ არაფერი აქვთ სათქმელი, დაპირებებსაც კი ვერ გასცემენ, თუ არ ჩავთვლით აბსოლუტურ სიყალბეს, რაც ვრცელდება ხოლმე. მაგალითად, 14 მილიარდი დოლარი, რაც არის ჩვეულებრივი ტყუილი. არსად არ არსებობს ეს 14 მილიარდი, ტყუილის თქმა გადაწყვიტეს და ეს ტყუილი მაგიდაზე დადეს. სამარცხვინოა ეს ყველაფერი, თუმცა საზოგადოება იმდენად გამოცდილია, ასეთ ტყუილებს არ „იყიდის“, -განაცხადა კობახიძემ.