საქართველოს სახალხო დამცველი ლევან იოსელიანი, ასევე სახალხო დამცველის მოადგილეები ელენე ღუდუშაური და ირინე ჩიხლაძე რუსთავის #5 (ქალთა) პენიტენციურ დაწესებულებას ეწვივნენ.

ამის შესახებ ინფორმაციას ომბუდსმენის ოფისი ავრცელებს.

მათივე ცნობით, სახალხო დამცველმა დაათვალიერა ბოლო პერიოდში დაწესებულებაში განხორციელებული სიახლეები. მოინახულა არასრულწლოვანების განყოფილება, დედათა და ბავშვთა განყოფილება, იუსტიციის სახლის ფილიალი, გაეცნო პატიმართა სარეაბილიტაციო პროგრამების განხორციელების პროცესს.

როგორც ომბუდსმენის ოფისში აცხადებენ, სახალხო დამცველი აგრძელებს პენიტენციური დაწესებულებების მონიტორინგსა და ბრალდებულთა და მსჯავრდებულთა უფლებების დაცვის მდგომარეობის ზედამხედველობას.