"ქართული ოცნება- დემოკრატიული საქართველოს" მთაწმინდა-კრწანისის რაიონის დელეგატი დავით კაჭარავა კრწანისში, ვირსალაძის ქუჩა N10-ის მიმდებარედ მოსახლეობას შეხვდა. ამის შესახებ ინფორმაციას „ქართული ოცნების“ პრესსამსახური ავრცელებს.

შეხვედრაზე დელეგატმა მოსახლეობას მიაწოდა ინფორმაცია ახალი სკვერის მოწყობასთან დაკავშირებით, ასევე მოსახლეობა სკვერის პროექტს გაეცნო.

„პროექტის ფარგლებში, ადგილზე გათვალისწინებულია ბილიკების, საბავშვო გასართობი მოედნის, მწვანე ღობისა და განათების სისტემის მოწყობა. დაგეგმილი სამუშაოები 1750 კვადრატულ მეტრზე განხორციელდება“, - განაცხადა დავით კაჭარავამ.

შეხვედრას ასევე ესწრებოდნენ, კრწანისის რაიონის მაჟორიტარი დეპუტატი - ლევან ჯაფარიძე კრწანისის რაიონის გამგებელი - ბექა მიქაუტაძე და გამგებლის მოადგილე-საბა პატაშური.