ძლიერი ოპოზიციის გარეშე ყველა დემოკრატია კვდება , - ამის შესახებ გერმანიის ბუნდესტაგის საგარეო საქმეთა კომიტეტის თავმჯდომარე, მიხაილ როთი პლატფორმა X-ზე წერს, სადაც ოპოზიციის წარმომადგენლებთან შეხვედრის ამსახველ ფოტოს აქვეყნებს.

ამასთან, როთის თქმით, ის საქართველოში არა ოპოზიციის მხარდასაჭერად, არამედ ევროპული ღირებულებების ხელშეწყობის გამო იმყოფება.

„ძლიერი ოპოზიციის გარეშე ყველა დემოკრატია კვდება. საქართველოში ოპოზიციის მხარდასაჭერად არ ვიმყოფები. მე აქ ვიმყოფები, რათა ევროპულ ღირებულებებს, დემოკრატიას, თავისუფლებას, კანონის უზენაესობას ხელი შევუწყო, იმისთვის, რომ თბილისი კვლავ ევროპის ნამდვილი დედაქალაქი გახდეს“, - წერს როთი.