ირანის პრეზიდენტის განცხადებით, მის მთავრობას რუსეთისთვის რაკეტები არ გადაუცია.

„შესაძლოა, რომ მიწოდება წარსულში მოხდა, მაგრამ შემიძლია დაგარწმუნოთ, რომ მას შემდეგ რაც მე თანამდებობა დავიკავე, რუსეთისთვის ასეთი გადაცემა არ მომხდარა“, - განაცხადა ირანის პრეზიდენტმა, მასუდ ფეზეშქიანმა.

ცნობისთვის, გასულ კვირას, თეირანის მიერ რუსეთისთვის ბალისტიკური რაკეტების გადაცემის საპასუხოდ, აშშ-მა ირანის მთავარ ავიაკომპანიას სანქციები დაუწესა.

რუსეთმა და ირანმა ბალისტიკური რაკეტების გადაცემის შესახებ გავრცელებული ინფორმაცია უარყვეს.