"ქართული ოცნება- დემოკრატიული საქართველოს" ბოლნისის, დმანისის, თეთრიწყაროსა და წალკის დელეგატი დავით შერაზადიშვილი, დმანისის რაიონის სოფლების: პანტიანის, ზემო და ქვემო ოროზმანის, მთისძირისა და ვაკის მოსახლეობას შეხვდა. ამის შესახებ ინფორმაციას "ქართული ოცნება“ ავრცელებს.

მათივე ცნობით, დელეგატმა მოსახლეობასთან სამომავლო გეგმებსა და 26 ოქტომბრის არჩევნების მნიშვნელობაზე ისაუბრა. ასევე, „ქართული ოცნების“ მიერ განხორციელებული პროექტები და პროგრამები განიხილეს.

დავით შერაზადიშვილის თქმით, მოსახლეობასთან საინტერესო და გულთბილი საუბარი ჰქონდა.

„დმანისი ჩემთვის უცხო არ არის, აქაურობა ჩემი ცხოვრების ნაწილია, სადაც არაერთი მნიშვნელოვანი და საინტერესო პერიოდი მაქვს გატარებული. მიხარია, რომ მექნება შესაძლებლობა, კიდევ უფრო მჭიდრო საქმიანი კავშირი მქონდეს ჩემს დმანისელებთან,“-განაცხადა დავით შერაზადიშვილმა.

შეხვედრას ასევე ესწრებოდნენ, დმანისის მუნიციპალიტეტის მერი - კობა მურადაშვილი და საკრებულოს თავმჯდომარე პაატა ყულიაშვილი.