რუსეთის თავდაცვის სამინისტროს განცხადებით, ქვეყნის საჰაერო თავდაცვის სისტემებმა სხვადასხვა ოლქებში 54 დრონი ჩამოაგდეს.

„საჰაერო თავდაცვის მორიგე სისტემებმა 54 უკრაინული უპილოტო საფრენი აპარატი გაანადგურეს“, - აცხადებს რუსეთის თავდაცვის სამინისტრო.

რუსეთის თავდაცვის უწყების ცნობით, 27 დრონი კურსკის ოლქის თავზე, 16 ბრიანსკის ოლქის, 7 სმოლენსკის, 3 ბელგოროდისა და 1 ორიოლის ოლქის ტერიტორიებზე ჩამოაგდეს.

ცნობისთვის, რუსულმა მედიამ ინფორმაცია გაავრცელა, რომ ტვერის ოლქის ქალაქ ტოროპეცში დრონით თავდასხმის გამო საბრძოლო მასალის საცავს ხანძარი გაუჩნდა. ადგილობრივმა გუბერნატორმა მოსახლეობის ევაკუაციის ბრძანება გასცა.