„ჰეზბოლას“ მებრძოლების პეიჯერების აფეთქების გამო, ირანი ისრაელს მასობრივ მკვლელობაში ადანაშაულებს.

„ირანი სიონისტური რეჟიმის ტერორისტულ აქტს, როგორც მასობრივი მკვლელობის მაგალითს, გმობს“, - განაცხადა ირანის საგარეო საქმეთა სამინისტროს წარმომადგენელმა, ნასერ ქანაანმა.

ამასთან, დაშავებული „ჰეზბოლას“ მებრძოლების სამკურნალოდ ირანმა ლიბანში სამაშველო ჯგუფები და ექიმები გაგზავნა.

შეგახსენებთ, „ჰეზბოლას“ მებრძოლებს პირადი პეიჯერები 17 სექტემბერს აუფეთქდათ. „ჰეზბოლა“ პეიჯერების აფეთქებაში ისრაელს ადანაშაულებს და შურისძიებით იმუქრება. ლიბანის ჯანდაცვის უწყების ცნობით, პეიჯერების აფეთქების შედეგად, 9 ადამიანი დაიღუპა და 3 000-მდე დაიჭრა. გავრცელებული ინფორმაციით, დაშავებულებს შორის ბეირუთში ირანის ელჩიც არის.