"ქართული ოცნება - დემოკრატიული საქართველოს" ხაშურისა და ქარელის დელეგატი ზაალ დუგლაძე, ხაშურის მუნიციპალიტეტის სოფელ ცხრამუხაში, ხმალაძეებისა და ცენტრალური უბნის მოსახლეობას შეხვდა.

ამის შესახებ ინფორმაციას პარტიის პრესსამსახური ავრცელებს.

მათივე ცნობით, მოსახლეობასთან შეხვედრის დროს დელეგატმა სოფელში განხორციელებული პროექტები შეაჯამა.

„მიმდინარე წყალმომარაგების მასშტაბური პროექტის ფარგლებში უკვე მოეწყო წყალგაყვანილობის ქსელი. შესაბამისად, საგზაო ინფრასტრუქტურის მოწყობა აღნიშნული სამუშაოების შემდეგ დაიწყო.

დელეგატის თქმით, ძირითადი საგზაო ინფრასტრუქტურა სოფელში უკვე მოწესრიგებულია და მოსახლეობა, ამ ეტაპზე, საუბნო გზების მოწესრიგებას ითხოვს“, - ნათქვამია ინფორმაციაში.