კოალიციის შეკვრა იყო ჩემი პოლიტიკის მთავარი ამოცანა. მე აღმოვჩნდი ხალხთან, ვისი იმედიც მაქვს, - ამის შესახებ “კოალიცია ცვლილებისთვის” ლიდერმა, ნიკა გვარამიამ განაცხადა.

მისივე თქმით, დღეს კოალიციას პირველი საჯარო მოხელე, ნანა მალაშხია შემოუერთდა.

“სიღარიბე ამ ქვეყანაში არ უნდა იყოს, ჩვენი სამშობლო და ხალხი ამას არ იმსახურებს. სიღარიბეს დავძლევთ განათლებით, განათლების გარეშე წინსვლა შეუძლებელია.

ჩვენ ეს შეგვიძლია, ჩვენ ეს გვჭირდება და ჩვენ ამას მივიღებთ. ჩვენ ვდგავართ ისტორიულ გზაგასაყარზე, ძალიან ცოტა თაობას თუ ჰქონია პრივილეგია გადაერჩინა სამშობლო. ეს პასუხისმგებლობაა. ჩვენ არასდროს გვაპატიებენ ქვეყნის რუსეთისთვის გადაცემას.

გაუმარჯოს სამშობლოს, ივანიშვილი წავა, ახალი ხალხი მოვა და ამ ქვეყანას წავიყვანთ წინ, ევროპისკენ. მივდივართ არჩევნებზე, ვიცავთ ხმებს და 27 ოქტომბრიდან ვცხოვრობთ რუსეთისგან და ივანიშვილისგან თავისუფალ საქართველოში“, - განაცხადა გვარამიამ.