ბათუმში ავტოსაგზაო შემთხვევის შედეგად ერთი ადამიანი დაიღუპა, ხოლო მეორე მძიმედ დაშავდა.

თვითმხილველების თქმით, ავტოსაგზაო შემთხვევისას მსუბუქი ავტომობილი გზის სავალი ნაწილიდან გადავიდა და რკინის კონსტრუქციას შეეჯახა.

შემთხვევა გვიან ღამით მოხდა, ადგილზე სამართალდამცავები იყვნენ მობილიზებული. როგორც უწყებაში „ინტერპრესნიუსს“ განუცხადეს, ფაქტზე გამოძიება “სისხლის სამართლის კოდექსის” 276-ე მუხლით მიმდინარეობს, რაც სატრანსპორტო მოძრაობისას წესების დარღვევას გულისხმობს, რამაც ადამიანის სიცოცხლის მოსპობა გამოიწვია.