რუსეთის საოკუპაციო არმიამ ოდესის ოლქს დრონებით შეუტია, რის შედეგადაც სამი ადამიანი დაიღუპა, ათზე მეტი დაშავდა, მათ შორის ერთი ბავშვი, - ინფორმაციას ოდესის რეგიონალური სახელმწიფო ადმინისტრაციის ხელმძღვანელი, ოლეგ კიპერი ავრცელებს.

მისი თქმით, დილით მტერმა ქალაქ იზმაილში ფართომასშტაბიან ტერორს მიმართა.

გავრცელებული ინფორმაციით, დრონებით თავდასხმის შედეგად დაზიანდა კერძო და მრავალბინიანი შენობები, დამხმარე შენობები, ავტომობილები, გაჩნდა ხანძრის რამდენიმე კერა, რომელიც მეხანძრე-მაშველებმა სასწრაფოდ ჩააქრეს.

„სამართალდამცავები რუსების ტერორისტული აქტის შედეგებს აღრიცხავენ“, - აღნიშნა კიპერმა.