„ქართული ოცნების“ სამგორის რაიონის დელეგატმა ვარლამ ლიპარტელიანმა მესამე მასივის მოსახლეობასთან შეხვედრა გამართა
„ქართული ოცნების“ სამგორის რაიონის დელეგატი ვარლამ ლიპარტელიანი მესამე მასივის მოსახლეობას შეხვდა.
პარტიის მიერ გავრცელებული ინფორმაციით, საუბარი შეეხო რაიონში არსებულ მდგომარეობას, მიმდინარე პროექტებს და იმ სირთულეებს, რაც ადგილობრივებს აწუხებთ. დაისახა პრობლემების გადაჭრის გზებიც.
მათივე ცნობით, ასევე, აღინიშნა, რომ მშვიდობას ალტერნატივა არ აქვს და ამიტომ მმართველი გუნდის პოლიტიკა, რომელიც ქვეყანაში მშვიდობას უზრუნველყოფს, მხარდაჭერილი უნდა იყოს, რათა მშვიდობა შენარჩუნდეს.
ვარლამ ლიპარტელიანმა აღნიშნა, რომ სწორედ ამიტომ 26 ოქტომბერს ქართული საზოგადოება უნდა გაერთიანდეს და მხარი დაუჭიროს „ქართულ ოცნებას“, რათა ვერავინ შეძლოს საქართველოში სიტუაციის არევა და ჩვენი ქვეყნის ომში ჩათრევა.
