სომხური ეკლესია ვარაგას მთაზე ჯვართამაღლებას აღნიშნავს
დღეს სომეხთა სამოციქულო მართლმადიდებელი ეკლესია ვარაგას წმინდა მთაზე ჯვართამაღლებას ზეიმობს.
ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.
მათივე ცნობით, ჯვართამაღლება ვარაგას მთაზე სომხურ ეკლესიაში ჯვრისადმი მიძღვნილ დღესასწაულთაგან ერთ-ერთი უმნიშვნელოვანესია და იგი VII საუკუნიდან აღინიშნება და განსაკუთრებულ დღესასწაულად ითვლება.
„რელიგიის საკითხთა სახელმწიფო სააგენტო დღესასწაულს ულოცავს სომეხთა სამოციქულო მართლმადიდებელ ეკლესიას, მის საქართველოს ეპარქიასა და მრევლს“, - ნათქვამია ინფორმაციაში.
