გორის მუნიციპალიტეტის მერია პუშკინის ქუჩაზე საგზაო ინფორასტრუქტურის რეაბილიტაციასთან დაკავშირებით ინფორმაციას ავრცლებს.

მათი ცნობით, გორში, პუშკინის ქუჩაზე დამონტაჟდა და დაიხაზა საგზაო ნიშნები.

გორის მერიის ინფორმაციითვე, პროექტის ღირებულება 650 000 ლარია.

„პუშკინის ქუჩის რეაბილიტაცია მალე დასრულდება. ქუჩაზე დამონტაჟდა და დაიხაზა საგზაო ნიშნები. უკვე დასრულდა ტრანსპორტის სავალი ნაწილის მოასფალტება და ტროტუარების მოწყობა. ქუჩაზე დამონტაჟდა გარეგანათების ახალი სისტემა.

პროექტის მიხედვით, სამუშაოები გზის 350 მეტრიან მონაკვეთზე, იაკობ გოგებაშვილის ქუჩიდან ცხინვალის გზატკეცილამდე ხორციელდება. პროექტის ღირებულებაც 650 000 ლარია.

სამუშაოები რეგიონებში განსახორციელებელი პროექტების ფონდისა და გორის მუნიციპალიტეტის თანადაფინანსებით ხორციელდება“,- ნათქვამია ინფორმაციაში.