ლიბანის მასშტაბით ისრაელის საჰაერო თავდასხმების შედეგად გუშინ 95 ადამიანი დაიღუპა და 172 დაშავდა, - ინფორმაციას ლიბანის ჯანდაცვის სამინისტრო ავრცელებს.

ოფიციალური პირების თქმით, ბოლო ორი კვირის განმავლობაში ლიბანში 1 000-ზე მეტი ადამიანი დაიღუპა.

ამასთან, ადგილობრივი მედიის ცნობით, ლიბანში დევნილთა რიცხვი ზრდას განაგრძობს და მილიონს აჭარბებს.

მათივე ინფორმაციით, თავშესაფრად გამოყენებულია 850 სკოლის შენობა. ისინი ძირითადად კონცენტრირებულია ბეირუთში, ლიბანის მთასა და სიდონში.